بسم الله الرحمن الرحيم
قبل جم يوم سويت بطاطا حارة و طبعاً اهيا من اسرع و اسهل و ألذ الأطباق بالنسبة لي
و انا شعاري معروف "لذيذ,سهل و سريع" و اللحين نبدي
بالمقادير
-بطاط مقطع مكغبات و مقلي
ملعقة صغيرة فلفل أحمر بودر
ملعقة صغيرة كركم
ملح و فلفل حسب الرغبة
قطعة زبدة صغيرة
نصف ملعقة جاي ثوم
و بقدونس حسب الرغبة او تقدرون تحطون كزبر
الصلصة
2 ملعقة أكل كبيرة مايونيز
ملعقة كبيرة صلصة الحار و الحلو
نقطتين خل البلسمك
الطريقة :
بعد ما نقلي البطاط و ننشفه من الزيت نييب مقلة غزيرة و نحط فيها الزبدة و لما تسخن نحط الثوم لين شوي ينحمس ثوااني بعدين نحط البطاط و نقلب بكل لطف ورقة و أدب عشان ما ينهرس البطاط :p
و بعدين نحط الفلفل الاحمر و الملح و الفلفل و الكركم و نقلب لين نحس انه البطاط كله حاشة فلفل و كركم و نسكر الجولة و على طوول نضيف البقدونس المقصص صغااار او الكزبر اذا ما اتحبون البقدونس.
و بعدين نحطه بطبق التقديم و نخلط الصلصة و نحطها بماعون يمها و بالعافية
و هذي صورة طبقنا بس الصلصة هاذي غير عن اللي كتبتها لانه للاسف طلع ما عندي مايونيز
و نطرو الأطباق الياية ;*
