صباح الخير
يوم اليمعه الظهر اشتهيت اسوي حلو حق بيت يدتي فكرت شسوي شسوي قلت خل اتهور و اســـــــوي
RED VELVET CAKE!!
و حست بقوقل ادور المقادير و الطريقة اثاااارييي موضوعها سهل ما فيه تهور ولا شي بس لاني اول مرة اسويها قررت اني اسوي كب كيك عشان اذوقها اذا زينة وديتها اذا مو زينة خليتها
و طبعا انا نوعي احب الشي السهل و السريع فا قررت اني اسوي هالطريقة اللي نصها من بنات افكاري لول
مقادير الكيكة
:
علبة و نص وايت كيك من بيتي كروكر
و مكتوب عليها شنو تضيفون اللي اهوا الزيت و البيض و الماي بس بدال 1 1\5 ماي زيدوه خلو كوب و نص لان زدنا كمية الكيك
و صبغ اكل احمر حطو مبدئياً قفشتين كبار و زيدو على حسب اللون اللي يعجبكم
4 قفاش كبار ككاو بودر
الكريمة:
علبة و نص جبنة فيلادلفيا 200 جرام
زبدتين
كوب سكر
قفشة عنونه فانيلا
و كريمة حمرا على حسب الحاجه
الطريقة:
نخلط مقادير الكيك و نحطها بقوالب الكب كيك و بالفرن 20 دقيقة على 180درجة
و علما تستوي نسوي الكريمة نحط المقادير كلها بالخلاط و اذا صارت الكريمة صاكه حيل نزيد عليها كريمة حمرا لين تلين شوي و عقب ما يخلص الكيك نطلعه من الفرن و ننطره يبرد بعدين ندهن عليه الكريمة و بالعافية عليكم ^_^
