حلو قثيث و لذيذ
اليوم يايبتلكم ابسط حلوو ممكن تسوونه و تقريباً سريع و لذيذ لان مكوناته كلها ككاوات لذيذة
المقادير:
1-كيكة سارالي فانيليا او اللي اسمها رخامية مادري سيراميكيه لول المهم اسم ارضية
1-كيكة سارالي ككاو
2-جلكسي كراميل
2-جلكسي العادي بدون اضافات
1-كوب هيرشيز
2-مارس
2-فليك للتزيين
3-ملاعق كبار كريمة
الطريقة:
نسخن الكريمة و نقطع انواع الكاكاو الى مكعبات صغيرة و نحطها مع الكريمة و نسخنها لييين يذوبون و نتأكد انه مافي اي تكتل و إذا حسيتوه شوي ثقيل ضيفو كريمة زيادة
نقطع النوعين من الكيك مكعبات و نصف الكيك الككاو اول و بعدين نحط صلصة الكاكاو و بعدين نصف النوع الثاني من الكيك و بعدين نصف الكاكاو مرة ثانية
طبعاً الإبداع يكون بطريقة التقديم ولا طريقة الحلو وايد سهلة و بسيطة
و بالعافية عليكم ان شاء الله عجبكم !
