Helloooooo XD
انا ما نسيت البلوق بس للاسف كنت مسوية رجيم فما اقدر اسوي ولا شي عشان ما اتشووق :×
اليوم سويت كورن دوج و أخييييراااا ضبطتها من سنين كلما تميت جربت بس مو راضي يضبط معاي
بس اليوم عرفت شنو السر
^_^
خل نبدي بالمقادير و بعدين اقولكم السر:
نص كوب طحين
نص كوب طحين الذرة
ملعقة صغيرة ماسترد
رشتين ملح
بيضة
هوت دوج اكيد و انا استعملت اللي حجمها متوسط لا اهيا الكبيرة ولا العنونه
ملعقتين كبار سكر
ملعقة صغيرة باكينج باودر
نص كوب حليب يفضل تسخنونه
ملعقة سمن نباتي (انا ما كان عندي فا حطيت زبدة بدالة)
الطريقة:
نخلط المكونات كلها بالخلاط الكهربائي و نتأكد انه مافي كتل
بعدين نحط جدر غزير فيه زيت غزييير و نخليه على النار
علما يسخن الزيت نقزقز الهوت دوج بالعوادة الخشب
نحط الخلطة اللي سويناها بكوب اي كوب بس يكون طويل
و انغمس الهوت دوج بالخلطه و نقطه بالدهن لين يتحمر
لما يتحمر حطوه بصحن عليه كلينكس عشان ينشف من الدهن
السر:
لما تغمسوون الهوت دوج بالخلطه ابدااا لا تخلون الخلطه تسيح اول انه تكون طبقة خفيفه لاا لازم تكون الطبقه ثقيله و حتى لو قاعده تسيح عادي قطيها بالدهن
و شغله ثانية لما اتقطونها بالدهن راح ترتفع و تستوي نص بنص يعني الصوب اللي طافح ابيض فلازم يكون عندكم منقاش لو ملاس المهم شي طويل عشان تضغطينها لي داخل الزيت.
و سلامتكم :)
